پاکستان سپر لیگ 5 کا فاتح کون ہو گا؟ کراچی کنگز یا لاہور قلندر؟ فیصلہ آج ہو گا

کراچی (پی این آئی)پی ایس ایل فائیو کے فائنل میں کراچی کنگز اور لاہور قلندرز کی ٹیمیں آج مدمقابل آئیں گی، میچ آج رات 8 بجے شروع ہوگا۔ پی ایس ایل فائیو کا تاریخی فائنل آج شب کراچی کے نیشنل اسٹیڈیم میں کھیلا جائے گا، فائنل میں روایتی حریف کراچی کنگز اور لاہور قلندرز کی ٹیمیں مدمقابل آئیں گی۔فائنل سے قبل کراچی کنگز کے کپتان عماد وسیم اور لاہور قلندرز کے کپتان سہیل اختر نے ٹرافی کے ہمراہ فوٹو سیشن کروایا، دونوں ٹیموں کے کھلاڑیوں نے نیشنل اسٹیڈیم کراچی

میں پریکٹس بھی کی۔ٹورنامنٹ کا ٹائٹل جیتنے والی ٹیم کو ٹرافی کے ساتھ 5 لاکھ ڈالر بطور انعام دیا جائے گا، اس کے ساتھ پلیئر آف دی ٹورنامنٹ، بہترین بیٹسمین، بہترین بولر اور اسپرٹ آف دی کرکٹ کے ایوارڈز بھی دئیے جائیں گے۔پی ایس ایل میں کراچی کنگز کو لاہور قلندرز کے خلاف برتری حاصل ہے، دونوں ٹیمیں اب تک 10 مرتبہ ایک دوسرے کے مدمقابل آچکی ہیں، جہاں جیت 6 مرتبہ کراچی کنگز کے نام رہی۔کراچی کنگز کے کپتان عماد وسیم نے ٹائٹل اپنے نام کرنے کے عزم کا اظہار کرتے ہوئے کہا ہے کہ کراچی کنگز کے تمام کھلاڑی کامیابی کیلئےتیارہیں۔ٹرافی سے ایک قدم دور فیصلہ کن معرکے کے لیے عماد وسیم نے کہا کہ فائنل تک پہنچنےکوڈین جونزکےنام کرتےہیں اور فائنل بھی ڈین جونزاوراپنےشائقین کیلئےکھیلیں گے۔واضح رہے کہ کراچی کنگز نے پہلے ایلیمینٹر میں ملتان سلطانز کو شکست دی تھی جبکہ لاہور قلندرز، پشاور زلمی اور ملتان سلطانز کو شکست دے کر فائنل میں پہنچی ہے۔۔۔۔۔۔۔۔۔۔۔۔۔



اس وقت سب سے زیادہ مقبول خبریں